काठमाडौं ।बेलायतका प्रधानमन्त्री ऋषि सुनकले सोमबार चीन बेलायतबीचको सम्बन्धको सुनौलो युग (गोल्डेन एरा) समाप्त भएको भनी टिप्पणी गरेपछ यी दुई देशको सम्बन्ध अब चौबाटोमा पुगेको विज्ञहरूले बताएका छन् ।
बेलायतको प्रधानमन्त्रीमा नियुक्त भएपछि पहिलो पटक विदेश नीतिसम्बन्धी विषयमा बोल्दा सुनकले गोल्डेन एरा समाप्त भएको भने ।
गोल्डेन एराको प्रस्ताव बेलायतले गरेकको थियो । बेलायतको विकासमा चीन एक असल साझेदारको रूपमा बेलायती राजनीतिज्ञले लिएपछि दुई देशको सम्बन्धलाई गोल्डेन एराको रूपमा भनिएको थियो ।
चीनसँगको सम्बन्धलाई पुनवरावलोकन गर्न बेलायतले खोजेको हो भने त्यसको लागि बल बेलायतको कोर्टमा पुगेको छ । बेलायतले व्यवहारिक कूटनीति पुनः सञ्चालन गर्नुपर्ने छ ।
सुनकले विगतमा चीनसँग गरिएको निकटतम आर्थिक सम्बन्धलाई अनाडीले गर्ने सम्बन्ध भएको बताएका थिए ।
सुनकले चीनको शून्य कोभिड नीतिको आलोचना समेत गरेका थिए । तर सुनकले पूववर्ती प्रधानमन्त्री लिज ट्रसले चीनलाई खतरा भनी गरेको टिप्पणी भने गरेनन् ।
प्रधानमन्त्री सुनकको अभिव्यक्ति प्रति बेलायतस्थित चिनियाँ दूतावासका प्रवक्ताले बेलायतले चीनको आन्तरिक मामिलामा हस्तक्षेप गर्न नहुने प्रतिक्रिया जनाए ।
प्रवक्ताले बेलायतलाई पूर्वाग्रह त्याग्न र चीनलाई बदनाम गराउन काम रोक्न अमेरिकाको धुनमा नाँच्न छोडी चीन बेलायत सम्बन्धको विकासमा बाधा अड्काउने काम रोक्न भने ।
गोल्डेन एरा पदावली पूर्व बेलायती प्रधानमन्त्री डेभिड क्यामरनको शासन कालमा २०१५मा आएको थियो ।
सन् २०१९मा बोरिस जनसनले प्रधानमन्त्रीको पदभार सम्हालेदेखि चीन बेलायतको गोल्डेन एरा सम्बन्धमा असर पर्न सुरु भएको थियो । बेलायत युरोपियन युनियनबाट हटेपछि उसले आफ्नो स्थिति फेला पार्न नसकिरहेको विज्ञहरूको भनाइ छ ।
अक्टोबर २५मा पद सम्हालेका सुनक दुई महिना भित्रका तेस्रा प्रधानमन्त्री हुन् । ट्रस ६ सातामै प्रधानमन्त्री पदबाट राजीनामा दिइन् । त्यसपछि सुनकले पदभार सम्हालेका हुन् । सुनकको चीन नीति भ्रममा रहेको छ ।बेलायतको राजनीतिक तथा अन्तर्राष्ट्रिय मामिलासम्बन्धी विश्लेषक टम फाउडीले सुनकको सीमित नियन्त्रण रहेको बताए ।
सुनकको गोल्डेन एरा समाप्त नभएको अभिव्यक्तिले यी दुई देशको सम्बन्ध चौबाटोमा पुगेको र भविष्य अँध्यारोमा पुगेको अन्तर्राष्ट्रिय मामिला विज्ञ लिले बताएको ग्लोबल टाइम्सले उल्लेख गरेको छ ।समयवद्ध साप्ताहीकबाट
